Irina Shayk largon unazën e fejesës pas raportimeve për ndarje nga Bradley Cooper pas katër vitesh lidhje.

Supermodelja 33-vjeçare dukej e lumtur dhe e relaksuar ndërsa e kalonte ditën me vajzën e saj në LA, shkruan TheSun.

Sipas “People” dyshja po punojnë në mënyrë miqësore për të ndarë kujdestarinë e vajzës dyvjeçare Lea De Seine.

Ylli i Hollywoodit, Bradley, 44 vjeç, dhe Irina filluan të takoheshin në pranverën e vitit 2015 dhe e pritën fëmijën e tyre të parë në mars 2017.

Supermodelja ruse kaloi ditën dje me vajzën, ku u pa duke u shëtitur në një park lokal.

Derisa po e mbante Lean në duar, Irina u pa se e kishte hequr unazën e fejesës nga dora.

Unaza e saj që e bartte në dorën e majtë ishte zhdukur, ajo u vërejt edhe kur bukuroshja pranoi një telefonatë.

Më pas, Irina ishte fotografuar duke u larguar nga shtëpia e saj në Los Angeles, teksa mbante një valixhe në duar.

Ky veprim erdhi vetëm një ditë pasi “The Sun Online” zbuloi se Irina ishte larguar nga rezidenca në LA, ku po jetonte me Bradley, 44 vjeç.